Programma

MAYTE is in jonge Fryske sjongeres mei Amsterdamske roots. Wat begûn as in solo-aventoer mei Fryske teksten oer ferlerne leafdes en dreamen, is no útgroeid ta in folweardige bân! Mei har fjouwerkoppige team kreëarret MAYTE yntime, dreamerige sfearen en opswypjende beats mei elektroanyske eleminten. Echt jong talint!

De Baron, in echte enerzjy knallende band. Se meitsje sa-neamde  “stomende Brass, urban Balkan & art rock”. Oftewol: Dik feest.

"Raw oldschool, fast and trashy, with that glimmering hint of shiny class rock and roll", dat is Bildtstar. Nummer 1 fan de Fryske Top 100 2024! De band stiet bekend om harren meislepende live optredens, want as je by Bildtstar noch hieltyd oan jirappels tinke, hawwe je dúdlik de ôfrûne tiid wat mist. Op Mukpop komme se wer mei in machtige enerzjike, oldskoalle,heavy rock-set dy't dy garandearre TOP wurd!

De boerekrock ‘n roll band Yme & the Farmbreakers binne noch mar krekt út de startblokken, mar hawwe al in soad herten ferovere mei harren hege doasis enerzjy, entûsjasme, humor en foaral harren leafde foar muzyk. Se hawwe ôfrûne jier de optredens foar lytsere selskippen al gau feroare yn grutte optredens. Foarich jier wiene se ek al by Mukpop fan’e partij! Se spylje graach nûmers fan harren muzikale helden, lykas ûnder oare: Status Quo, Kanadehny Cash, Rolling Stones, AC / DC en Bruce Springsteen. En fansels de muzyk fan boererockbands as Mooi Wark, Bökkers en Normaal fansels net ûntbrekke!

In echte Jorwerter klassiker: The Mop! Yn 2018 spilen se ek op Mukpop, en wy binne razend entûsjast om se dit jier wer by ús op it poadium te ferwolkomjen! The Mop is âlderwetsk gesellich, se spylje hearlike klassikers. Dit jier is ekstra spesjaal, want it is harren 25-jierrich jubileum! Sin yn!!!

FUC stiet foar de Freaking Underground Corporation en bestie út Sytse Haima, Pier
Koopmans, Rudolf Botma, Daniël Span, Jappie Hoekstra en Hans Wijnbergen. Jan
“Smoky” Wierstra, drummer/sanger fan it earste oere sil wer plak nimme achter de
trommels. De freonen en muzikanten út de trijehoeke Jellum-Weidum-Easterwierrum
begûnen yn 1978 en binne yn de rin fan de tiid útwaaid oer legendaryske Fryske
bands. Se stienen ek yn de foarprogramma's fan û.o. Vitesse, Power Play en The new Adventures. Se ha ek earder op Mukpop spile, dus se witte hoe’t se der in feestje fan meitsje moatte!

Funky, koppich en dûnsber. WHIFF is in eigensinnige funkrock formaasje út it fjirre Eindhoven. Se spylje opswypjende grooves mei sloppe bass en fuzzy gitaren.
De band stiet bekend om enerzjike liveshows dêr’t de mix fan stijlen soarchet foar springe en dûnsje. Pas op: risiko for in switrêch en triennen fan gelok.

Suwâld soundmachine is in DJ-duo fan twa freonen dy’t mei harren platekoffers fol ûntdekkingen alle jûnen oars klinke litte. Harren sets bestean ut tusken afrobeat, Latin grooves, disco, funk, soulful house en Chicago house. in echt muzikaal aventoer.

Kloostrix bringt aktivisme en muzyk byinoar. Har sets jouwt romte oan alle stimmen, it is in mix fan post-punk, alternative dance en elektropop. fernijend en hearlik op’e earen!

Kanjertruck knalt oer de Autobahn en bringt it bêste út Europa mei. Fan techno út Berlyn, house út Parys oant electro út Gent en breakbeats út Bristol. Ferstân op nul en gas!

BOWIE-101 blaast de tinte omfier mei in eksplosive miks fan Hardgroove, Hard Dance en Ghetto bangers. Syn stuiterjende beats, dreunende basslines en ûngekende fibes soargje derfoar dat dyn lichem automatysk yn beweging komt. Stilstean is gjin opsje.